Dy fëmijë bien në lumin Gjanica, flet qytetari hero që u hodh në ujë dhe i shpëtoi (video)

Google+ Pinterest LinkedIn Tumblr +

Dy fëmijë kanë rënë mëngjesin e sotëm në ujërat e lumit Gjanica duke rrezikuar të mbyten. Një tragjedi që fatmirësisht është shmangur.

Paraprakisht bëhet me dije se dy fëmijët e mitur kanë qenë duke luajtur anës lumit, kur kanë rrëshqitur dhe kanë rënë në shtratin e Gjanicës.

Ledion Mita, një nga qytetarët që u hodh në ujë dhe i shpëtoi tha se fëmijët ishin duke luajtur, kur njëri prej tyre rrëshqiti dhe përfundoi në lumë dhe më pas tjetri u hodh për ta ndihmuar.

Ai tha se duke marrë shkas nga fakti se të miturit nuk po arrinin dot të dilnin nga uji, pasi i mori rryma, u hodh dhe i shpëtoi.

“Kisha dalë xhiro. Pashë dy fëmijë që po luanin. Në fillim ishte vajza që i rrëshqiti këmba e para dhe kushëriri i saj, se di ça e kishte, u hodh që ta ndihmonte. Në momentin kur bien në ujë, i merr rryma dhe i fundos të dy. Vajzën zëre se e nxori gati të vdekur në pjesën e urës aty. E pash që s’kisha më nga mbaja dhe u hodha me gjithë rroba. Kapa vajzën të parën, dhe e nxorën të tjerët më pas. Më pas kapa djalin. Erdhi ambulanca dhe i çoi në spital. Fëmijët po luanin. Nuk patën rezistencë se poshtë ka dhe myshk dhe forca e rrymës i mori. Mendova që në momentin e parë të hidhesha. S’e merrte njeri atë iniciativë.”, tha ai. /Gazetareforma.com/

 

Shpërndaje
Share.

Komento