“Duhet me marrë pasaportë serbe të hymë në tokë shqiptare”, 15 emigrantë të bllokuar në Kakavijë prej 72 orësh

Google+ Pinterest LinkedIn Tumblr +

Prej 72 orësh, 15 emigrantë shqiptarë janë bllokuar në tokën neutrale në pikën kufitare të Kakvijës.

Ata nuk janë lejuar të futen në Shqipëri, për shkak të masave të marra nga qeveria, për parandalimin e përhapjes së COVID-19.

Emigrantë i kanë bërë thirrje kryeministrit Edi Rama, që të gjejë një zgjidhje për ta.

Kemi tre ditë dhe tre net që jemi të izoluar dhe bllokuar nga qeveria shqiptare.  I bëjnë thirrje Ramës që të na japë një zgjidhje. Edhe mediave iu bëjmë thirrje që ta përhapin këtë çështje tonë. Dhe partive politike dhe presidentit, se qeveritarët nuk duan ta dinë a jemi gjallë a s’jemi gjallë. Jemi shtetas shqiptar. Duhet me marrë pasaportë serbe të hymë në tokë shqiptare se me pasaporta shqiptare nuk pinë më ujë“shprehen ata për “Report tv”.

Kujtojmë këtu se kryeministri ka bërë me dije, se nuk do të lejohen që të futen në Shqipëri ata persona që janë rezidentë në shtete të tjera.

Ndërsa ata që kanë pasur arsye emergjente dhe janë lejuar të kalojnë, duhet të vetëkarantinohen për 14 ditë në hotele me paratë e tyre dhe më pas mund të takojnë familjen.

Shpërndaje
Share.

Komento