Autoritetet greke kanë sekuestruar një sasi prej 46 kg marijuanë në aksin Mavromat-Igumenicë.
Lënda narkotike ndodhej në një automjet të braktisur.
Sipas mediave greke, marijuana ishte e ndarë në 21 pako.
Të arrestuarit për sasinë e drogës janë dy shqiptarë të moshave 39 dhe 47 vjeç, si dhe një 31-vjeçar grek.
Gjithashtu në kërkim është edhe një tjetër shtetas shqiptar.
Pas verifikimeve nga policia greke, rezulton se automjeti ishte i vjedhur.
