Çdo familje po përgatitet për festën e Vitit të Ri, ndërsa në familjen Kishta në fshatin Meshan nuk ka gëzim, por vetëm vuajtje.
Sonila, nëna e katër fëmijeve thotë se ata qajnë për bukë të thatë dhe luten që t’u sigurohet vakti i bukës.
Banesa e tyre është një dhomë e vetme me tre divanë ku flenë 6 persona dhe me një sobë të shkatërruar.
Ajo shprehet se ka tentuar t’i jap fund jetës, por ka qënë vajza e madhe që e ka shmangur këtë tragjedi.
Sonila thotë se vajzat e saj mësojnë shumë por në shkollë shkojnë pa këpucë dhe të veshura shumë keq pasi ajo nuk mund t’u blejë asgjë.
“Dy herë kam tentuar t’i jap fund jetës por ka qenë vajza e madhe që më ka hequr lëngun e përgatitur me ilaç rrobash e s’munda ta pi. S’ka më keq kur sheh fëmijët që vuajnë për bukë, të zbathur e që flenë në copa sfungjeri të gjetura në plehra. Vajzat i kam me mesatare 9.8 në mësime dhe në shkollë i çoj të zbathura e të veshura si mos më keq dhe pa ngrënë. S’kam çe dua jetën.
Me ndihmën ekonomike që mora shleva borxhin që kisha në dyqan, thesin e miellit e tani jam sërish pa miell”,- rrëfen mes lotëve nëna.
Burimi: balkanweb
