Mbrëmjen e sotme ish-kryeministri Sali Berisha ka akuzuar prokrurorin e Stukturës së Posaçme Anti-Korrupsion (SPAK), Albert Shehun se është i korruptuar. Sipas Berishës, në një intervistë për emisionin “Drejt”, prokurori ka marrë 160 milionë lekë për të mbyllur një dosje vrasjeje, por nuk ka dhënë detaje të tjera.
Gjithashtu ndër të tjera, ish-kryeministri Sali Berisha ka shtuar se pasi ka marrë paratë, prokurori ka mbajtur për më shumë se 5 vite dosjen në sirtar në mënyrë që të kalonin të gjitha afatet e mundshme.
“Prokurori që gënjeu publikisht, Albert Shehu, u fut menjëherë në SPAK. E dini ju se ai është kriminel i vërtetë. Më ka ardh tjetri në zyrë dhe më ka sjellë dosjen e djalit të tij të vrarë te dera e shtëpisë dhe ky prokuror ka mbajtur dosjen derisa ka kaluar çdo afat për ta apeluar. Ky prokuror e ka mbajtur 5 vite dosjen sepse thotë i interesuari mori 160 mln lekë dhe shpërblehet. Mund ti besohet këtij procesi më thuaj ti mua?,”-tha Berisha.
Gjithashtu Berisha është kundërpërgjigjur ndaj Yuri Kim duke thënë se ambasadorja të cilën ai e konsideron si një “guvernatore”, nuk kishte asnjë provë kundër tij dhe e sfidoi duke i kërkuar që nëse dispononte një dosje të tillë ta çonte në Paris në gjykatë.
Më pas tha se nëse do kishte pasur një dosja me infomracione sekrete, shefi i shërbimit secret nuk do ta publikonte nëse nuk do ishte 100% i sigurt.
