Një ngjarje e rëndë ka tronditur Fierin, ku një 15-vjeçar, Flamur Hoxhaj, ndërroi jetë në Spitalin e Traumës në Tiranë, pas një muaji në gjendje kome.
Flamuri u aksidentua me motor dhe pësoi dëmtime të rënda në kokë, të cilat pavarësisht përpjekjeve intensive të mjekëve, rezultuan fatale.
Humbja e tij ka shkaktuar dhimbje të madhe në shkollën ku ai studionte, gjimnazin “Janaq Kilica”. Mësuesit dhe bashkëmoshatarët e tij e përshkruajnë si një djalë të sjellshëm, të zgjuar dhe të dashur për të gjithë, që do të mbahet gjithmonë në mendjet e tyre.
Mesazhi i shkollës:
Me dhimbje të thellë njoftojmë ndarjen nga jeta të nxënësit tonë të dashur, Flamur Hoxhaj. Një djalë i përkushtuar, i qeshur, i sjellshëm dhe plot ëndrra, Flamuri do të mbetet gjithmonë në kujtimet tona si shembull i mirë edukimi dhe vlerash njerëzore. Humbja e tij ka lënë boshllëk të madh në zemrat e shokëve, mësuesve dhe gjithë komunitetit shkollor.
Ngushëllime familjes Hoxhaj për këtë dhimbje të paimagjinueshme.
Pusho në paqe, Flamur.
Do të të kujtojmë gjithmonë.
