Gjykata Kushtetuese anuloi ditën e sotme seancën që do të mbahej mbi ҁështjen e Parkut Kombëtar të Butrintit. Anëtari i Këshillit Shkencor në UNESCO, Auron Tare në një intervistë për Neës24 ka deklaruar se fatkeqsisht në vendin tonë piezazhet historike dhe kulturore janë të rrezikuara nga betonizimi i ndërtuesve. Nuk është çudi që edhe një pasuri madhështore si ajo e Butrintit që është e mbrojtur nga UNESCO të shumzohet me 0 para etjes së qeveritarëve dhe oligarkëve për para. Tare deklarois e shpreson që Kushtetuesja të vendosë pro trashëgimisë kulturore në seancën e radhës në 11 korrik.
“Gjykata Kushtetuese ka standardet e veta të operimit dhe do të ishte jo korrekte të komentoja një veprim të GjK. Është një çështje juridike për të cilën nuk kam një njohur të thellë. Të gjithë palët duan të bëjnë politikë me një çështje të tillë, por kjo është mbi politikën, ka rëndësi më të madhe dhe besoj që do të mbetet në histori.
Shkruarja në GjK e çështjes së Butrintit është një veprim i drejtë. Do të thoja që publiku shqiptar nuk ka shumë rëndësi, por theksoj se kjo çështje duhet të shkojë në favor të trashëgimisë shqiptare. Kam shpresë që Gjykata Kushtetuese do të vendosë në vend dinjitetin për këtë çështje. Mendoj që shteti shqiptar e njeh dhe kupton rëndësinë e Butrintit, por njeh shumë mirë edhe rëndësinë për ndërtimin rreth Butrintit, janë dy gjëra të ndara. Zhvillimet ndërtimore në Shqipëri kanë qenë gjithmonë parësore, duke e dëmtuar trashëgiminë kulturore në mënyrë të pathyeshme. Nëse do dëmtojnë trashëgiminë kulturore zhvillimi turistik do të marrë një kah tjetër. Turisti që po vjen në Shqipëri është i një niveli të ulët. Ksamili është një model se si mund të shpartallohet trashëgimia dhe vlerat. Këtë gabim e kanë bërë edhe të tjerë dhe ne nuk po mësojmë dot t’i riparojmë dhe t’i ruajmë”, tha ndër të tjera ai.
