Një video po bën xhiron e rrjetit orët e fundit.
Në video shihet një makinë tip “Benz AMG” i bardhë që xhiron para Komisariatit të Policisë nr.6 në zonën e Kombinatit në kryeqytet.
Videoja është postuar nga një faqe e njohur në Instagram, “RichKids”.
Shoferi, i paidentifikuar, bën “drift” para komisariatit, ndërsa në rrugë shihen edhe njerëz tek kalojnë.
Të rinjtë e pasur të Tiranës sfidojnë policinë dhe bëjnë manovra të palejueshme në rrugë, duke rrezikuar edhe jetën e qytetarëve.
Videoja është shoqëruar me mbishkrimin “Sipër shtetit”.
