Këngëtarja e dashur për publikun shqiptar, Elsa Lila ka qenë e ftuara e radhës në podkastin ‘Flasim” të kryeministrit Edi Rama, ku foli më shumë rreth karrierës, muzikës dhe ngjarjeve që ka përjetuar kohëve të fundit.
Në bisedë mes tyre u përmend edhe arrestimi i bujshëm i këngëtares në Itali para një viti. Ajo u akuzua si pjesëtare e një grupi të trafikut të drogës. Lidhur me këto akuza ajo duhej të qëndronte 2 muaj në qeli, derisa provat në polici të ishin të plota.
Lila e cilëson si ngjarjen më të rëndë në jetën e saj dhe se e ka përjetuar shumë keq, pavarësisht se mundohej të merrte “më të mirën” nga muret e errta të burgut. Ajo tregoi se dy muaj nuk orjentohej me orën, nuk flinte dhe as nuk hante.
“Dy muaj në burg dhe dy javë në izolim në një dhomë pa dritare pa pasqyrë. Ditët janë të gjata nuk mbarojnë kurrë. Nuk ke sensin e orës. Orientohesha me vaktet që servireshin. Nuk kishte as dritë dielli. Është një moment kufiri kur ti e di që je e pafajshme e do të dalësh që aty e kohën e shpenzon për të menduar spiritualisht për të arritur një shkallë më lart ose shkon mbrapsht dhe nuk kthehesh më.
Nuk kam ngrënë nuk kam pirë. Nuk kam fjetur në krevat. Kam qëndruar në karrige. U mundova dhe ta dua atë dhomë që të mos shqetësohesha shumë. Muret ishin me emra, data, poezi. Kishte shumë për të parë dhe fantazuar. Kishte shumë energji të lënë aty brenda. E përdora si mjet për meditim dhe jo mjet autoshkatërrimi”, tha këngëtarja e emocionuar.
