Dita ndërkombëtare e trashëgimisë, objektet kulturore dhe sitet arkeologjike në vend drejt degradimit

Objektet kulturore të cilat po shkojnë drejt degradimit sa vinë dhe shtohen në vendin tonë, kjo pasi ato nuk janë përfshirë në fondin e mbrojtjes apo ruajtjes së tyre.

Shqetësimi vjen nga Lezha, ku  janë të shumta vlerat e trashëgimisë kulturore që nuk janë përfshirë në fondin e mbrojtjes apo ruajtjes së tyre.

Në ditën ndërkombëtare të trashëgimisë kulturore dhe siteve arkeologjike Paulin Zefi përgjegjësi i Trashëgimisë Kulturore në Bashkinë Lezhë vuri në pah pikërisht këtë fakt.

Ndër të tjera ai organizoi dhe një aktivitet, i cili kishte si qëllim, promovimin e fshatit Troshan. Në të u theksua se ky fshat është një zonë e rëndësishme, jo vetëm arkeologjike, por dhe një zonë e rëndësishme e trashëgimisë kulturore.

Ndërsa në Roskovec në ditën ndërkombëtare të trashëgimisë kulturore është shpallur projekti për restaurimin e kishës së Shën Gjergjit. Kisha  e  Shën Gjergjit  e harruar prej shumë vitesh është një nga monumentet kulturore e rëndësishëm e këtij qyteti.