Ukraina po përjeton ditën e saj të shtatë të luftës më Ukrainën.
Sulme dhe shkatërrime ka pasur në Kiev dhe Kharkiv,ndërkohë që sot pritet një raund i dytë i bisedimeve midis vendeve.
Kujtojmë që të hënën u mbajt takimi i parë që nga fillimi i pushtimit rus në Ukrainë. Raundi i parë i bisedimeve u zhvillua në kufirin bjellorus dhe zgjati rreth 5 orë, por nuk solli asnjë ndryshim për situatën në Ukrainë. Raportohet se mbrëmjen e kaluar të paktën 21 persona kanë mbetur të vdekur nga bombardimet e rusëve në qytetin Kharkiv.
Sulmet në qytetin e dytë më të madh në Ukrainë kanë lënë të plagosur 112 persona. Guvernatori i Administratës Shtetërore në Kharkiv tha se të gjitha sulmet ruse “u zmbrapsën”, pavarësisht bombardimeve të rënda të martën gjatë natës, raporton “BBC”
Ushtria ruse ka goditur me raketa ndërtesën e policisë rajonale në qytetin Kharkiv, Ukrainë, raporton BBC, duke cituar agjencinë e lajmeve UNIAN.
Anton Geraschenko, një këshilltar i Ministrit të Brendshëm të Ukrainës, thotë se një ndërtesë që i përket Universitetit Kombëtar Karazin përballë rrugës ka marrë gjithashtu flakë pas sulmit.
Guvernatori Oleh Synegubov tha se “armiku rus ka pësuar humbje të konsideruesme”.
Ndërkohë më parë, Ministria ruse e mbrojtjes u bëri thirrje banorëve të Kievit të largohen dhe tha se do të godiste disa zona të cilat nuk i specifikoi, që përdoren nga shërbimet e sigurisë dhe të komunikimit të Ukrainës.
Duke folur në Kiev në një kompleks qeveritar nën masa të rrepta sigurie, Presidenti ukrainas Volodymyr Zelenskiy tha se Rusia duhet “së pari të ndalojë bombardimin e njerëzve” përpara se bisedimet e paqes të mund të shënojnë ndonjë përparim.
Zoti Zelenskiy, bisedoi të martën në telefon për 30 minuta me Presidentin amerikan Joe Biden. Ai tha se breshëritë e artilerisë në qytetin lindor të Kharkiv-it përbënin “terrorizëm shtetëror”.
