Dita e gjashtë e protestës së minatorëve në Bulqizë ka vazhduar me rreth 600 pjesëmarrës që shprehin vendosmërinë për të realizuar kërkesat e tyre.
Pikat kryesore që ata kërkojnë janë rritja e pagës dhe heqja e punës detyruese ditëve të shtuna.
Minatorët kanë paralajmëruar se nëse kërkesat e tyre nuk plotësohen, protesta do të intensifikohet, duke kaluar në grevë urie dhe bllokim të daljes së kromit.
Ndërkohë, ata pohojnë se, edhe pse kompania ka shprehur dëshirën për të negociuar, deri tani nuk ka pasur progres lidhur me ngritjen e pagës.
Gjatë ditës së sotme, në zonën e protestës është vërejtur prania e forcave të policisë të Bulqizës.
