Në kuadër të Ditës Botërore të Trurit, ekspertë nga fusha të ndryshme janë mbledhur në një forum të organizuar nga Operatori i Shërbimeve të Kujdesit Shëndetësor.
Tema qendrore e këtij takimi ishte sfidat lidhur me shëndetin mendor dhe nevoja për ofrimin e shërbimeve cilësore dhe të shpejta për qytetarët.
Në qendrat shëndetësore tashmë po përdoren pyetësorë të specializuar për identifikimin në kohë të personave me probleme të lehta të shëndetit mendor.
Në këtë kontekst, mjekët duhet të tregohen të kujdesshëm dhe të vëmendshëm ndaj çdo rasti që kërkon ndihmë.
Një tjetër hap pozitiv është nisja e shërbimeve të fizioterapisë në qendrat shëndetësore për pacientët me sklerozë multiple. Duke qenë se problemet e shëndetit mendor janë në rritje në mbarë botën, ekspertët ndërkombëtarë kanë theksuar rëndësinë e vendosjes së shëndetit mendor si një nga prioritetet kryesore të kujdesit shëndetësor.
Truri i njeriut është organi kryesor i sistemit nervor, i cili kontrollon dhe koordinon të gjitha aktivitetet e trupit dhe është thelbësor për jetën njohëse dhe emocionale. Ai është një organ kompleks dhe kritik, që funksionon si qendra kontrolluese e sistemit nervor dhe si vendi ku përpunohet informacioni. Truri është i përfshirë në çdo aspekt të funksionimit të trupit dhe jetës mendore.
