Disa minuta pasi u ngrit, rrëzohet avioni me 62 pasagjerë në bord

Një avion i Sriwijaya Air u rrëzua në det ditën e sotme disa minuta pasi u ngrit nga kryeqyteti i Indonezisë Xhakarta në një fluturim të brendshëm me 62 persona në bord.

Boeing 737-500, rrugës për në Pontianak në Kalimantan Perëndimor, u zhduk nga ekranet e radarëve pasi u ngrit pak pas orës 2.30 pasdite. (0730 GMT) – 30 minuta pas orës së planifikuar për shkak të shiut të madh. Ministri Indonezian i Transportit Budi Karya tha në një konferencë për shtyp se 62 persona kishin qenë në bordin e Fluturimit SJ 182, përfshirë 12 ekuipazh.

Agjencia e shpëtimit Basarnas tha në një deklaratë se do të dërgonte një ekip në zonën e Thousand Islands për të ndihmuar në kërkimin e viktimave “pas përplasjes së Sriwijaya Air SJ 182”. Të gjithë ata që ishin në bord ishin indonezianë, tha komiteti i sigurisë në transport i Indonezisë.

Marina e Indonezisë kishte përcaktuar vendin e avionit të zhdukur dhe anijet ishin dërguar atje, tha një zyrtar i Marinës. Autoritetet nuk thanë nëse ata besonin se kishte të mbijetuar. Shefi ekzekutiv i linjës ajrore indoneziane Sriwijaya Air, Jefferson Irwin Jauwena, tha në një konferencë për shtyp se avioni kishte qenë në gjendje të mirë para fluturimit.

Një zëdhënëse e Boeing tha, “Ne jemi në dijeni të raporteve të mediave nga Xhakarta dhe po monitorojmë nga afër situatën. Ne jemi duke punuar për të mbledhur më shumë informacion ”.

Breaking News ⚠️

Sources confirms the crash of the plane…and the rescue team find parts of the plane.#SJ182 pic.twitter.com/Nq0Va6FSeZ

— Aviation for Aviators (@Aviaforaviators) January 9, 2021