Një automjet është djegur gjatë natës në qytetin e Vlorës. Policia dyshon për zjarrvënie të qëllimshme, ndërkohë që automjeti është shkrumbuar totalisht.
Mjeti tip Nissan, me targa VL 7260 C, është në pronësi të shtetasit Olsi Kafazi. Ky i fundit është punonjës i ujësjellësit në Vlorë.
Vetë pronari i mjetit, shprehet se për herë të dytë bëhet pre e një sulmi.
Në datën 2 tetor sipas tij dy persona të maskuar në errësirë teksa po kthehej në shtëpi e kanë sulmuar duke e rrahur dhe goditur teksa këtë ngjarje me parë e ka raportuar edhe në polici pasi ende në trup dhe kokë ka shenjat e sulmit.
Tashmë, 20 ditë më pas, bëhet sërish pjesë e sulmit duke iu djegur automjeti. Sipas tij, edhe gjatë sulmit të parë ka kërkuar urdhër-mbrojtje, por që edhe pas sulmit të automjetit ditën e sotme sërish nuk ka marrë asgjë të tillë nga policia e Vlorës.
/GazetaReforma.com/
