Në orët e para të mëngjesit të sotëm, persona të paidentifikuar, kanë djegur makinën e një oficeri policie në Shkodër.
Ngjarja është regjistruar në lagjen “Mahalla e Çakajve”, ndërsa mjeti është në pronësi të Arbër Dulit, shkruan “Panorama”.
Sipas policisë dhe zjarrfikësve, dyshohet se kemi të bëjmë me një djegie të qëllimshme.
Si pasojë e nxehtësisë së madhe, është thyer edhe xhami i përparmë i mjetit tip “Volkswagen passat”.
Aktualisht, makina ndodhet në policinë e Shkodrës, ndërsa një grup hetimor është ngritur për të zbuluar rrethanat e ngjarjes.
Arbër Duli punon prej vitesh në Policinë e Shkodrës dhe mban detyrën e Oficerit të Krimeve.
