Një apartament i një pallati në Korçë është përfshirë nga flakët mëngjesin e sotëm. Policia njofton se zjarri ka rënë në banesën e 64-vjeçares R. E. e cila është asfiksuar nga tymi dhe u dërgua në spital ku po merr ndihmën mjekësore.
Korçë
Më datë 03.02.2024, rreth orës 07:30, në lagjen nr.8, Korçë, ka rënë zjarr në banesën e shtetases R. E., rreth 64 vjeçe, e cila u asfiksua nga tymi dhe u dërgua në spital ku po merr ndihmën mjekësore.
Në vendngjarje ndodhen forcat e Policisë që po evakuojnë banorët e tjerë të pallatit, si dhe shërbimet e zjarrfikëseve, të cilat po bëjnë shuarjen e zjarrit.
Grupi hetimor po punon për zbardhjen e shkaqeve të rënies së zjarrit.
