Mëngjesin e sotëm në fshatin Sovjan, në bashkinë Maliq, dy automjete u përfshinë nga zjarri. Njëri prej tyre u dogj plotësisht, ndërsa tjetri pësoi dëmtime të pjesshme nga flakët.
Paraprakisht dyshohet se zjarri mund të ketë nisur nga kontaktet me tela të energjisë elektrike që ndodheshin pranë automjeteve.
Policia nuk përjashton mundësinë që zjarri në automjetin e djegur totalisht të jetë i qëllimshëm dhe po vijon hetimet në këtë drejtim.
Që prej mëngjesit, forcat e rendit po marrin në pyetje banorët e zonës dhe po kontrollojnë nëse ekzistojnë kamera sigurie që mund të ndihmojnë në zbardhjen e ngjarjes.
Sipas burimeve, pronari i automjetit të djegur plotësisht mohon të ketë pasur konflikte.
