Kryeministri i Kosovës, Albin Kurti dhe presidenti i Serbisë, Aleksandar Vuçiç do të mbajnë sot në Ohër të Maqedonisë Veriore takimin e radhës në kuadër të dialogut. Bashkimi Europian ka informuar se Përfaqësuesi i Lartë i BE-së për politikë të Jashtme, Josep Borrell, së bashku me emisarin special të BE-së për dialogun, Miroslav Lajçak, në orën 10:00 do të takohen me kryeministrin Albin Kurti dhe presidentin e Serbisë, Aleksandar Vuçiç. Pas takimeve me secilin, do të mbahet edhe një takim i përbashkët, i cili do të fokusohet në propozimin e BE-së për normalizimin e marrëdhënieve ndërmjet Kosovës dhe Serbisë. Të dy emisarët kanë shfaqur shpresën se takimi i 18 marsit në Ohër do të jetë konstruktiv, ndërkaq e kanë vlerësuar si shumë të rëndësishëm për dy vendet dhe rajonin në përgjithësi. Më 27 shkurt, Kosova dhe Serbia kanë rënë dakort për përmbajtjen e Propozimit europian, sipas zyrtarëve të Bashkimit Europian.
Ndërkohë që Këshilltari i lartë i Departamentit amerikan të Shtetit, Derek Chollet, ka biseduar me liderët e Kosovës dhe Serbisë në lidhje me propozimin evropian për normalizimin e raporteve ndërmjet dy vendeve. Chollet ka theksuar se zbatimi i këtij propozimi do të sjellë përfitime domethënëse për të dyja shtetet dhe do të kontribuojë në një të ardhme paqësore në rajon.
Në rezidencën në Ohër ku do të mbahet takimi në orët e mëngjesit janë parë duke biseduar kryetari i BDI-së Ali Ahmeti si dhe zëvendëskryeministri i Kosovës, Besnik Bislimi. Kryeministri i Kosovës, Albin Kurti dhe delegacioni qeveritar ka zhvilluar një takim me kryetarin e BDI-së, Ali Ahmeti para nisjes zyrtare të takimeve në Ohër të Maqedonisë. Në shoqërimin e Kurtit është parë zëvendëskryeministri Besnik Bislimi dhe ministri i Kulturës, Hajrulla Çeku
Fundosja e varkës në Indonezi, humbin jetën trajneri spanjoll dhe tre fëmijët
Një ngjarje e rëndë ka tronditur Spanjën, pas ndarjes nga jeta të trajnerit spanjoll Fernando Martín dhe tre fëmijëve të...
