Dhunoi turistët spanjollë por i kushtoi shtrenjtë, IKMT shemb lokalin e Mihal Kokëdhimës

Google+ Pinterest LinkedIn Tumblr +

Mëngjesin e soëm IKMT ka shkuar te restoranti “Panorama” në Porto Palermo dhe ka nisur shembjen e tij pasi ishte pa leje ndërtimi.

Ky restorant është në pronësi të shtetasit Mihal Kokëdhima, i cili pak ditë më parë dhunoi turistët spanjollë pasi nuk pëlqyen shërbimin në restorant.

Një video qarkulloi në rrjetet sociale, në të cilën dukej Kokëdhima i varur në kofanon e makinës me të cilën udhëtonin turistët spanjollë.

Kokëdhima për më shumë se 3 kilometra qëndroi i mbërthyer në kofanon e makinës së 5 turistëve spanjollë, ku me grusht theu edhe xhamin e përparmë të mjetit të tyre, edhe pse mjeti ishte në lëvizje.

Kujtojmë këtu se Kokëdhima është arrestuar dhe ndodhet ende në burg. Ditën e djeshme u shfaq në seancën gjyqësore i buzëqeshur, duke mos u shqetësuar për ndodhinë.

E ndërsa avokati mbrojtës i Kokëdhimës u shpreh se klienti i tij, i kishte përzënë nga lokali turistët, pasi këta po konsumonin lëndë narkotike në biznesin e tij.

Shpërndaje
Share.

Komento