Policia e Himarës ka arrestuar ditën e sotme pronarit e lokalit që dhunoi ditën e djeshme një grup turistësh spanjollë.
Këta të fundit ishin larguar nga lokali pasi nuk u kishte pëlqyer ushqimi dhe shërbimi i ofruar.
Ky moment ka bërë që pronarët e lokalit të ndjekin nga pas turistët, ndërsa kanë goditur fizikisht drejtuesin e mjetit së bashku me 5 turistët spanjollë.
Ditën e sotme është arrestuar 51-vjeçari, Mihal Kokëdhima, banues në Sarandë.
Njoftimi i Policisë:
Policia e Sarandës në bashkëpunim me Policinë e Himarës, pas hetimeve të kryera në lidhje me konfliktin e djeshëm në një lokal të Himarës, kanë bërë të mundur arrestimin në flagrancë të 51-vjeçarit pasi ditën e djeshme, në lokalin e tij Bar-Restorant në Porto Palermo të Himarës, për motive të dobëta ka kanosur me fjalë një grup turistësh spanjollë.
Më pas ka dëmtuar mjetin e transportit privat të tyre dhe është konfliktuar fizikisht me ta duke u shkaktuar dëme në trup por më shumë është dëmtuar shtetasja spanjolle K.R.
Materialet iu referuan Prokurorisë në ngarkim të tij për veprat penale “Kanosja”, “Dëmtime të tjera me dashje”, “Shkatërrimi i pronës”.
