Dhunoi gruan dhe më pas i drejtoi kallashin, shkodrani arrestohet pas ndjekies në pyll

Google+ Pinterest LinkedIn Tumblr +

Polica e Shkodrës ka parandaluar një krim në familje.

Blutë kanë arrestuar një 29-vjeçar me inciale Z.Ç., banues në fshatin Rragam.

Ky i fundit ka dhunuar fizikisht bashkëshorten dhe më pas e ka kanosur me armë.

Sapo ka parë efektivët e policisë, 29-vjeçari ka lënë armën e zjarrit në banesë dhe është arratisur drejt pyllit.

Pasi disa orësh ndjekie, policia bëri të mundur kapjen e tij.

Në cilësinë e provës materiale, u arrestua një kallashnikov.

Materialet proceduriale ndërkohë, i kaluan Prokurorisë së Shkodrës për veprime të mëtejshme.

Njoftimi i policisë

Shkodër

Policia parandalon një ngjarje të rëndë kriminale në familje.

Kanos me armë dhe dhunon fizikisht bashkëshorten, arrestohet në flagrancë nga Policia.

Sekuestrohet në cilësinë e provës materiale një armë zjarri kallashnikov pa leje.

Specialistët për parandalimin dhe Hetimin e Krimeve në Komisariatin e Policisë Shkodër arrestuan shtetasin:

– Z. Ç., 29 vjeç, banues në fshatin Rragam/Shkodër.

Shërbimet e Policisë Shkodër, pas marrjes së njoftimit se në fshatin Rragam, Shkodër një shtetas po kanoste me armë zjarri dhe po dhunonte fizikisht në banesë bashkëshorten, kanë shkuar menjëherë në adresën e dhënë. Shtetasi Z. Ç., kur ka parë shërbimet e Policisë, ka lënë armën e zjarrit në banesë dhe është larguar në drejtim të pyllit, por është kapur pas disa orë ndjekjesh nga shërbimet e Policisë.

Në cilësinë e provës materiale u sekuestrua arma e zjarrit kallashnikov dhe në përfundim të veprimeve të para hetimore u bë arrestimi i shtetasit Z. Ç., për veprat penale “Kanosje”, “Dhunë në familje” dhe “Mbajtja pa leje e armëve luftarake dhe e municionit”.

Materialet procedurale i kaluan për veprime të mëtejshme Prokurorisë së Rrethit Gjyqësor Shkodër.

Shpërndaje
Share.

Komento