Ish-deputeti i Partisë Demokratike, Klevis Balliu pati një debat të ashpër me moderatoren Eni Vasili, në emisionin “Open” në Top Channel.
E gjitha nisi në momentin kur po diskutohej në lidhje me dhunën që banorët e Astirit ushtruan ndaj gazetarit të “Top Channel”.
Balliu u përgjigj se nuk u dhunua gazetari por televizioni.
“Kjo është dhunë, nuk preket gazetari”,tha Eni Vasili.
Ndërsa Balliu iu përgjigj: “Ma trego ku është prekur gazetari, është dhunuar televizioni që i ka quajtur shpellare këto banorë”.
Më tej gazetarja iu kundërpërgjigj duke thënë se kjo është shpifje, pasi në televizion nuk ështe thënë asnjëherë diçka e tillë.
Me kërkesë të saj, banorët kërkuan më pas falje për dhunën ndaj gazetarit, ndërsa ish-deputeti nuk pranoi ta bënte një gjë të tillë.
“Klevis mos ndërhy, kërko falje për dhunën ndaj gazetarëve, ose do të nxjerr jashtë”, iu drejtua Vasili, Balliut.
Në këtë moment ndërhyri edhe analisti Andi Bushati, i cila tha se ajo që shikohet nga pamjet është dhunë ndaj gazetarit.
Pas publicitetit Balliu pranoi se nuk ka pasur asnjëherë një deklaratë të tillë nga “Top Channel”.
