Së fundmi edhe ish-kryeminstri, Sali Berisha ka reaguar në lidhje me ngjarjen e rëndë në kopshtin privat “4 Stinët”, ku një 3-vjeçare u dhunua nga edukatorja.
Berisha tha për mediat se kjo ngjarje është flagrante. Ai theksoi se ky është një degradim i madh i sistemit arsimor.
“Unë jam këtu sot gjithashtu për të denoncuar me forcën më të madhe, aktin ç’njerëzor ndaj vogëlushes 3-vjeçare në kopshtin privat. Ky akt, është dëshmi e plotë e kalimit jashtë çdo kontrolli, të sistemit të arsimit parashkollor për vogëlushët dhe i përhapjes së dhunës, e vërteta është jo vetëm në kopshte, por edhe në shkolla. I një degradimi të madh të sistemit arsimor, i largimit masiv nga ky sistem i forcave të kualifikuara dhe zëvendësimit me individë që nuk kanë asnjë kualitet për t’u besuar fëmijët dhe ndodhin ngjarje të atilla”, u shpreh Sali Berisha.
