Drejtoresha e Inspektoriatit të Shëndetit Publik, Albana Fico, bëri publike detaje të reja në lidhje me koronavirusin.
Fico tha se ka disa raste kur i prekuri mund të jetë bartës i Covid-19, por të mos sëmuret.
Sipas saj, në këto raste, rrezikohet kalimi i virusit tek persona të tjerë.
“Pyetja është e saktë dhe ia vlen ta qasim. Vetëizolimi ka të bëjë me persona pozitivë jo të sëmurëve jo me shenja klinike. Në spital ke shenja klinike, je pozitiv . Personat që dolën pozitiv pas dy rasteve të para janë të vetëizoluar. Janë persona që nuk kanë shenja klinike. Vetëkarantinimi ka të bëjë me persona që kanë histori udhëtimi dhe nuk kanë shenja klinike. Nëse ti ke shenja respiratore, ke temperaturë dhe ke qenë në zonat e kuqe vjen këtu. Edhe atyre që nuk kanë histori udhëtimi i bëhet testimi. Në vetëkarantinim ke për detyrë të qëndrosh i izoluar, të përdorësh një dhomë të veçantë”, u shpreh Fico.
Ndërkohë zv.Ministrja e Shëndetësisë, Mira Rakacolli u ka bërë thirrje njerëzve që të shmangin daljet e panevojshme nga shtëpia, në kafene apo restorante.
Më tej ajo shtroi, se nëse mbushet Infektivi, Sanatoriumi do të kthehet në karantinë.
“Shmangi grumbullmet edhe daljet e panevojshme nga shtëpia, kafentë dhe restorantet. Nëse mbushet infektivi, Sanatoriumi do të kthehet në karantinë. Evitoni lëvzijet me urbanë”, u shpreh Mira Rakacolli, zv/ministrja e Shëndetësisë.
Aktualisht në vendin tonë janë konfirmuar 10 raste me koronavirus.
Pacienti zero është një 28-vjeçar i cili erdhi nga Italia nëpërmjet Hanit të Hotit më 26 shkurt.
