Rritja e akcizës ka sjellë humbje për prodhuesit e Birrave. Shoqatat kanë shtruar një kërkesë në Gjykatën Kushtetuese për shfuqizimin e pjesshëm të ligjit me argumentin se prodhimi vendas i birrës është ulur me 7 %.
Gjithashtu, Shoqëria e Birrave argumenton se në Shqipëri niveli i akcizës është 4 herë më i lartë se niveli minimal i akcizës se birrës rekomanduar nga Direktive 92/84/EEC dhe nuk ka asnjë presion për të përafruar nivelin e taksimit me BE sepse është arritur që në vitin 2012.
“Shoqata “Shoqata e Prodhuesve dhe Tregtuesve të Pijeve Alkoolike Vendase” ka kërkuar në Gjykatën Kushtetuese shfuqizimi e pjesshëm të ligjit “Për një ndryshim në ligjin nr. 61/2012, “Për akcizat në Republikën e Shqipërisë”, për “Kategoria B000, kodi NK 22 03, produkti “Birra nga maltome shkallë alkolometrike ndaj volumit më të madhe se 0.5%””, thuhet në njoftim.
Rasti më flagrant është i Birrës Peja e prodhuar nga vëllezërit Blerim dhe Shkëlqim Devolli nga Kosova, “miq” të kreut të Qeverisë Edi Rama. Qëkur “Devolli Group” e shtriu biznesin e birrës në tregun shqiptar, Peja një nga produktet më të shitura po përballet me vështirësi. Kjo pasi akciza që ajo paguan në vendin tonë, është më e lartë se vendet e tjera të rajonit, më e lartë se pagesat që kryen në Serbi.
Mirëpo vëllezërit Devolli me premtimet e Ramës dhe “ortakërinë” që ky i fundit u ka ofruar i kanë shtrirë “tentakulat” e biznesit më gjerë në vendin tonë. Përpjekjen e parë për të hyrë në tregun e Shqipërisë e kanë bërë në mars të vitit 2008, ku kanë hapur kompaninë e njëjtë në kuadër të Qendrës Kombëtare të Regjistrimit të Biznesit në Tiranë.
Atë kohë kompania është regjistruar me emrin tregtar “Devolli Company”, me pronar të vetëm Blerim Devollin.
Një vit më vonë, me kompaninë tjetër të tyre, “Devolli Group”, i bashkohet tregut të Shqipërisë për marrjen e të drejtave të koncesionit nga Autoriteti Publik i Republikës së Shqipërisë për themelimin e Qendrës moderne të homologimittë automjeteve. Kësaj here, kompania është regjistruar në emër të Blerim dhe Shkëlqim Devollit, por ky i fundit sipas dokumenteve zyrtare është regjistruar si shtetas i Kosovës.
Nga kapitali i mëparshëm prej 100.000 lekësh, Shkëlqimi ka rritur kapitalin në 7 milionë lekë, përderisa fondet janë ndarë në tri kompani: “Devolli company” do të ishte me 4.8 milionë lekë dhe “Devolli Group” me 2.2 milionë lekë të tjera, ndërsa “Eurolab” figuron si ortak me zero kapital financiar.
Kjo e fundit, “Eurolab”, është e autorizuar nga “Devolli”, për menaxhimin e Qendrës së Automjeteve të Kosovës (QAK).
Jo vetëm kaq, “themelet” e tyre në vendin tonë shtrihen deri tek mediat. Rama që t’i mbante pas vetes vëllezërit e “famshëm” në Kosovë ngriti një skemë të mirëfilltë. Ai u dorëzoi atyre median “Abc news” përmes së cilës do të përdorte dhe propagandën. Hyrja e tyre në Tiranë u bë në mënyrë indirekte.
