Dita e parë e lehtësimit të masave të marra për parandalimin e Covid-19, ka rezultuar tragjike për Durrësin pasi një vrasje e dyfishtë është raportuar pak minuta më parë.
Ngjarja ka ndodhur pasditen e sotme rreth orës 17:00 te tregu i makinave në Shenavlash, te zona e Nishtullës.
Sipas informacioneve paraprake, bëhet fjalë për dy vëllezër të identifikuar si Besmir dhe Viktor Haxhia, por pritet edhe reagimi zyrtar i Policisë.
Sakaq, forca të shumta policie kanë rrethuar zonën, ndërsa janë ngritur edhe pika të shumta postblloku për të rënë në gjurmët e autorëve.
Duke qenë se një pjesë e bizneseve kanë qenë të mbyllura, por pritet që të kontrollohen kamerat e sigurisë nëse kanë fiksuar autorët.
