Detaje të reja nga ngjarja e rëndë, sot në orët e para të mëngjesit, ku u vra me armë zjarri një ndërtues i njohur në Himarë. Biznesmeni Niko Goro ishte kushëri i ish-kryebashkikaut të Himarës, Jorgo Goro.
Forca të shumta policie ndodhen në vendin e ngjarjes.
Autori që vrau biznesmenin, Niko Goro në Himarë, ishte i maskuar, çka do të thotë se vrasja ishte e planifikuar.
Autori ka dalë nga një furgon ku ishin edhe tre persona të tjerë dhe ka zbrazur armën që dyshohet tip kallashnikov, duke qëlluar për vdekje, biznesmenin.
Ky i fundit ka qenë te supermarketin, në pronësi të motrës e tij, dhe në momentin kur ka dalë, është qëlluar me armë zjarri.
Një grua ka marrë plagë, që dyshohet se është pikërisht e motra e ndërtuesit. Ngjarja ka ndodhur rreth orës 09:00 të kësaj paraditeje.
Policia, njoftoi se po heton për identifikimin dhe kapjen e autorëve të krimit të rëndë.
/GazetaReforma.com/
