Detaje të reja nga tragjedia në Bulqizë! Viktimat kishin qenë për darkë te kunata, pranë trupave u gjet një shishe me helm

Google+ Pinterest LinkedIn Tumblr +

Ndonëse njihet si një ditë feste, 14 shkurti do të shënonte një tragjedi në fshatin Ostren të Madh të Bulqizës, ku nëna me dy fëmijët humbën jetën në rrethana ende të paditura.

Nga kjo tragjedi shpëtoi vajza tjetër 16-vjeçare, e cila ndodhet në spital jashtë rrezikut për jetën.

Pista e parë që u hetua ishte helmimi nga rrjedhja e bombulës së gazit, por kjo pistë u rrëzua pasi ekspertët deklaruan se shkak për vdekjen e trefishtë u bë asfiksimi nga soba e drurëve.

Së fundmi, Top Channel ka dhënë detaje të reja rreth ngjarjes tragjike pasi bën me dije se kur policia ka mbërritur në vendngjarje, përveç ushqimeve është gjetur një shishe me helm që përdoret në bujqësi, kryesisht për mbrojtjen e patates, gjatë mbjelljes së saj.

3 trupat e viktimave janë gjetur në dysheme në pozicione të ndryshme nga njëri-tjetri, me shkumë në gojë që të jep përshtypjen e helmimit, ndërkohë vajza që ka shpëtuar është gjetur në një krevat ngjitur te muri, pa mundur të komunikonte dot.

Mostra të ushqimit dhe shishja në fjalë janë dërguar për ekspertizë në Tiranë, ndërsa po ashtu bëhet me dije se viktimat kishin qenë te kunata për darkë deri në orën 22:00 dhe të nesërmen janë gjetur të pajetë.

Shpërndaje
Share.

Komento