Detaje të reja janë zbardhur lidhur me sulmin në qendrën tregtare në Sidnei pak ditë më parë, ku mbetën të vrarë 6 persona. Sipas autoriteteve australiane, autori 40-vjeçar kishte në shënjestër gratë, kjo pasi 5 nga 6 prej viktimave ishin gra. Disa të tjerë, përfshirë një foshnjë mbeti e plagosur. I vetmi viktimë mashkull në sulm ishte roja i sigurisë Faraz Tahir, 30 vjeç, i cili u përpoq të ndërhynte.
“Ai ishte një refugjat nga Pakistani i cili kishte qenë në Australi vetëm për një periudhë të shkurtër kohore”, tha kryeministri Anthony Albanese për radion Triple M të hënën, shkruajnë mediat e huaja.
“Është e qartë për mua, është e qartë për detektivët, që agresori u përqendrua te gratë dhe iu shmang meshkujve. Ne nuk e dimë se kishte në mendje vrasësi dhe kjo është arsyeja pse është e rëndësishme tani që detektivët të marrin në pyetje të gjithë njerëzit që e njihnin atë”, tha më tej komisionerja Karen Webb.
BREAKING: Australia, Sydney Mall stabbing.
An eyewitness reacts to the major police incident at a shopping centre in Sydney.
“Just behind me about five gun shots went off.”
“If she didn’t shoot him, he would’ve kept going – he was on the rampage.
Police have reportedly been… pic.twitter.com/ZS9o8QC9k7
— Islam Uddin (@Coach_iu) April 13, 2024
Autori vuante nga probleme të shëndetit mendor
Katër personat që u plagosën gjatë sulmit kanë dalë nga spitali. Tetë të tjerë vazhdojnë të marrin kujdes mjekësor, ku disa prej tyre janë në gjendje të rëndë dhe disa të tjerë në gjendje të qëndrueshme. Sipas autoriteteve vrasësi kishte probleme të shëndetit mendor dhe u qëllua për vdekje nga një oficere policie të shtunën. Policia e Queensland bëri me dije se për herë të parë u diagnostikua me një sëmundje mendore në moshën 17-vjeçare.
