Kryeministri Edi Rama deklaroi para gazetarëve se PS-ja nuk e ka ende një emër për president, pasi po pret me qetësi procesin.
Ai tha se nuk duhen të merren me profilin se sa me një njeri që të përmbushë detyrimet karshi shqiptarëve.
Pyetje: Keni vullnetin për raundin e tretë për një emër konsnsual me opozitën?
Rama: Tani duhen dy për tango thonë. Kështu që na duhet edhe një për tango. E kam shpejguar disa herë këtë çështjen e profilit. Merren me profilin ata që nuk duan të merren me zgjidhjen. Zgjidhja është një njeri që normalizon postin e presidentit. Ne ende nuk kemi vendosur asgjë. E kemi ndjekur këtë proces me durim, duke dëgjuar lloj lloj çudish.
Politika është ndërveprim, dialog, shah, dhe në të gjithë atë: fjala nuk kam besim prandaj po iki në drejtim të paditur, nuk është politikë. Nëse nuk zgjidhet as në raundin e tretë, do mblidhemi me përfaqësuesit e PS-së dhe do diskutojmë.
Kam shpjeguar këtë çështjen e profilit. Ata merren me profilin ata që s’duan të merren me zgjidhen. Zgjidhja është një njëri që duhet të përmbushë detyrimet që kemi karshi shqiptarëve për të çliruar atë zyrë nga kthetrat e së shkuarës. Për të normalizuar raportin.
