Koronavirusi në vendin tonë po përhapet me shpejtësi duke infektuar çdo ditë njerëz të shumtë.
E radhës e infektuar me COVID-19 është deputetja e Partisë Socialiste, Blerina Gjylameti e cila para pak kohësh u shfaq me barkun e rrumbullakosur, në pritje të fëmijës së dytë.
Sipas “Dosja.al” gjendja e deputetes socialiste është e stabilizuar, teksa po i nënshtrohet kurimit në shtëpi. Për këtë arsye, Gjylameti ka ndaluar aktivitetin e saj politik në Qarkun e Tiranës.Për herë të fundit, ajo u shfaq publikisht krah kryebashkiakut Erion Veliaj në Asamblenë e PS në Kombinat, ku u zëvendësua nga Belinda Balluku.
Ndërkohë gjatë ditës së sotme në vendin tonë u shënua një numër i ri rekord infektimesh, pasi kanë rezultuar pozitiv 306 persona nga 1412 testime të kryera.Si çdo ditë tjetër Tirana vijon të mbajë vendin e parë për numrin më të lartë të rasteve ditore, duke shënuar kështu 179 raste pozitive.
Janë shëruar 71 qytetarë, duke e çuar në 10466 numrin e të shëruarve në vend që prej fillimit të epidemisë.
