Kombëtarja shqiptare po përjetoj ethet e funit para se kualifikohet në finalet e Kampionatit Europian “Gjermani 2024”. Shqipëria do të përballet me Moldavinë dhe Ishujt Faroe në datat 13 tetor dhe 20 nëntor.
Për këto dy ndeshje shumë të rëndësishme trajneri i Kombëtares, Sylvinho ka bërë listën me 24 lojtarë, ai ka preferuar të mos bëjë ndryshime nëportë, mbrojtje dhe mesfushë. Tekniku brazilian ka rikthyer sulmuesin Arbnor Muçollit, i cili ka treguar aftësitë e tij në fushë me skuadrën e Göteborg në Suedi.
Sylvinho do të ketë në portë Etrit Berishën, Thomas Strakoshën e Elhan Kastratin. Në mbrojtje do të jenë Berat Gjimshiti, Ardian Ismajli, Ivan Balliu, Elseid Hysaj, Federic Veseli, Arlind Ajeti dhe Mario Mitaj.
Në mesfushë dhe në sulm do të jenë 14 lojtarë, duke nisur nga Ylber Ramadani, Kristjan Asllani, Keidi Bare, Klaus Gjasula, Qazim Laçi, Nedim Bajrami, Ernest Muçi, Myrto Uzuni, Taulant Seferi, Jasir Asani, Arbnor Muja, Arbnor Muçolli, Sokol Cikalleshi e Mirlind Daku.
Pritet që nesër trajneri Sylvinho do të dalë në një konferencë për mediat nesër për të folur lidhur me listën e lojëtarëve në këto dy ndeshje shumë të rëndësishme për kombëtaren tonë.
