Pas deklaratave të ashpra të presidentit turk Recep Tayyip Erdogan , i cili e quajti Izraelin një “shtet terrorist”, që kryen krime lufte dhe shkel ligjin ndërkombëtar në Rripin e Gazës ka ardhur reagimi i Kryeministri izraelit Benjamin Netanyahu dhe ministrit të Jashtëm, Eli Cohen.
Netanyahu , i cili foli me kreun e organizatës jofitimprurëse Samaritan’s Purse, e cila ofron ndihmë humanitare për njerëzit në nevojë, tha, duke iu drejtuar presidentit turk se ai “e quan Izraelin një shtet terrorist, por në fakt mbështet terroristët e Hamasit “.
Megjithatë, ai nuk u ndal me kaq, duke shtuar se “bombardoi fshatrat turke, brenda kufijve të Turqisë. Ne nuk do të pranojmë predikime prej tij”.
Ministri i Jashtëm izraelit Eli Cohen e ndoqi shembullin , duke shkruar në Twitter: “Ata që strehojnë krye-terroristë dhe inkurajojnë organizatat terroriste nuk do të predikojnë moral në shtetin e Izraelit. Presidenti turk shtrembëron realitetin dhe është sërish në anën e gabuar të historisë, krahas glorifikimit të masakrave në Iran, Liban, Siri dhe Jemen. Shteti i Izraelit është një shtet ligjor, që vepron në përputhje me të drejtën ndërkombëtare dhe do të vazhdojë luftën e tij kundër organizatës terroriste Hamas, e cila është më e keqe se ISIS.
