Zheljko Komshic, anëtar i presidencës së Bosnje-Hercegovinës, ka bërë një deklaratë të papritur.
I ftuar në Radio Televizionin e Kosovës tha se pavarësisht a ekziston njohja e ndërsjellë mes Bosnje-Hercegovinës dhe Kosovës, kjo punë është fakt i kryer.
“Siç qëndrojnë tani punët, duhet të presim, edhe pse unë nuk kam dilema se Kosova është shtet i pavarur”, ka thënë Komshic.
I pyetur nëse ka dakordim zyrtar për këtë, Komshiq është përgjigjur:
“Nuk kam dakordim për këtë, por kam të drejtë të kem qendrim timin. Unë nuk do të flas gjithmonë atë që është e dakorduar, për shkak se ne jemi tre në Presidencën e Bosnjë-Hercegovinës nuk do të thotë se më duhet autorizimi i Presidencës për të thënë diçka. Në veprimet e mia diplomatike duhet t’u përmbahem disa rregullave të cilat vlejnë në Bosnjë. E përsërisë, për mua Kosova është shtet i pavarur! Kjo tashmë është punë e kryer, vetëm është çështje e momentit kur do ta pranojnë të tjerët në rajon”.
Sa i përket një marrëveshjeje të mundshme mes Kosovës dhe Serbisë, Komshic tha se bisedimet mes Serbisë dhe Beogradit janë çështje të marrëveshjeve të tyre.
Por për çfardo që ata bien dakord, nuk mund të jetë vendimtare për zgjidhjen e problemeve në Ballkanin Perëndimorë e posaçërisht në Bosnje-Hercegovinë.
