Skip to content
Të Gjitha

Data e përshtatshme për zgjedhjet e ardhshme, Hajdari publikon ftesën e Metës dhe kërkon mendim nga qytetarët

· 1 min lexim

Mes përfaqësuesve politikë të ftuar nga presidenti Ilir Meta për të diskutuar për datën e zgjedhjeve parlamentare të vitit 2021, është edhe deputetja e Grupit Parlamentar, Rudina Hajdari.

Lajmin e ka bërë të ditur vetë deputetja Hajdari  e cila do të ketë një takim me presidentin Meta të premten e 4 shtatorit, në orën 17:30.

Hajdari ka ndarë me qytetarët në rrjetin social Instagram ftesën e Metës dhe kërkon ndihmë dhe mendim për datën e duhur dhe të përshtatshme për zgjedhjet e reja.

“Cilën datë, mes 15 prillit dhe 15 majit e gjykoni më të përshtatshme për mbajtjen e zgjedhjeve të ardhshme parlamentare?”, shkruan Hajdari.

Ndërkohë një letër e tillë nga presidenti Meta ka shkuar edhe për kryeministrin Rama dhe kryedemokratin Basha, të cilët do të priten nga presidenti në orët e mesditës njëri pas tjetrit.

Ditën e sotme Meta tha se ftesa i kishte shkuar të gjithë drejtuesve politikë, por edhe kreut të Komisionit të Integrimit Europian.

Lexo më tej

Na Kontaktoni

Të dhënat tuaja do të mbahen konfidenciale dhe të sigurta.

Madhësia maksimale: 10MB. Lloje të lejuara: JPEG, JPG, PNG, GIF, PDF, TXT, DOC, DOCX