Darka me Ramën në Athinë, Zyra e Mitsotakis: Palët folën për pakicat, ekonominë dhe…

Google+ Pinterest LinkedIn Tumblr +

Zyra e kryeministrit grek Kyriakos Mitsotakis ka zbardhur takimin e djeshëm me homologun e tij Edi Ramën.

Sipas zyrës së Mitsotakisit, në darkën e punës është folur rreth fuqizimit të marrëdhënieve ekonomike dypalëshe, për pakicat greke dhe për integrimin e Shqipërisë.

“Diskutimi i veçantë u bë për Pakicën Kombëtare Greke në Shqipëri, e cila duhet të jetë një urë miqësie dhe bashkëpunimi midis dy popujve, ndërsa theksi u vu në forcimin e marrëdhënieve dypalëshe ekonomike dhe tregtare. Rama e Mitsotakis shprehën kënaqësinë e tyre për integrimin e përkryer të qetë të qytetarëve shqiptarë që jetojnë në Greqi.

Në fund, ata ranë dakord të punojnë së bashku në mënyrë që të dy vendet të zgjidhin shpejt çështjet e pazgjidhura në të kaluarën në një kontekst dypalësh dhe të lëshojnë potencialin e madh që mund të krijojë marrëdhënia strategjike midis dy vendeve”, ka njoftuar zyra e kryeministrit Mitsotakis.

Kujtojmë se në darkën e mbrëmshme morën pjesë nga pala shqiptare kryeministri Rama dhe këshilltari i tij, Endri Fuga, ndërsa nga pala greke morën pjesë ish-ambasadorja greke në Shqipëri, Eleni Surani, njëkohësisht edhe shefe e zyrës diplomatike të Mitsotakis, ministri i jashtëm Nikos Dentias dhe vetë kryeministri Mitsotakis.

/GazetaReforma.com/

Shpërndaje
Share.

Komento