Kanë dalë pamjet e shqiptarit që masakroi me thikë për vdekje partneren e tij në Itali. Bëhet fjalë për Alfred Kipen, që vrau 47-vjeçaren Luljeta Heshta pak ditë më parë për motive xhelozie. Ngjarja ndodhi në orën 1:30 të mëngjesit në rrugën Pedriano, në fshatin San Giuliano, një zonë e njohur për prostitucion.
Tashmë janë bërë publike edhe pamjet e Kipes duke u larguar nga vend ii ngjarjes. Corriere.it ka publikuar pamjet ku 42-vjeçari duket duke u larguar nga vend ii ngjarjes pasi qëlloi 5 herë me thikë partenren e tij. Ka qenë një shofer ai që e ka filmuar largimin, në momentin që shqiptari po linte vendin e krimit. Në video Kipe duket duke u larguar mjaft i qetë dhe me duart në xhepa. Ai ishte veshur me të zeza dhe mban në kokë një kapuç ashtu siç kishin thënë më parë dëshmitarët. Kipe shihet veshur edhe me një palë atlete të kuqe “Nike”. Policia i gjeti më pas rrobat që kishte veshur gjatë krimit, në shtëpinë e tij.
Nga mediat italiane gjithashtu është bërë e ditur se Kipe kishte punuar më parë si oficer policie dhe ka jetuar me Luljetën për të vite 20 vite. Kjo e fundit ushtronte prostitucioni në Milano prej mëse 10 vitesh, arsye që mund të ketë shtyrë në vrasjen e saj.
