Dalin në dritë detaje të reja nga plagosja me armë zjarri në Lezhë (Foto)

Kanë dalë në dritë detaje të reja në lidhje me plagosjen me armë zjarri që ndodhi ditën e sotme në qytetin e Lezhës, ku mbeti i plagosur Paulo Bushi. Burime bëjnë me dije se Paulo Bushi dhe autori i ngjarjes Xhuljo Vokrri, janë shokë të ngushtë me njëri-tjetrin.

Kujtojmë se ngjarja e rëndë ndodhi ditën e sotme rreth  orës 14: 30 dhe nuk ka ende një informacion të qartë në lidhje me motivet që çuan në përdorimin  e armës.

Kujtojmë se një ngjarje e rëndë është regjistruar ditën e sotme në fshatin Manati të Lezhës k u është plagosur me armë zjarri një person. Sipas informacioneve  nga burime zyrtare i plagosur ka mbetur 25-vjeçari Paulo Bushi Ndoj, i cili ka marrë një plagë në këmbë.

I riu ndodhet në spital jashtë rrezikut për jetën.  Shërbimet e Policisë kanë rrethuar zonën dhe vijojnë punën për kapjen e tij.

Njoftimi i Policisë:

Lezhë/ Informacion paraprak

Plagosi me armë zjarri 25-vjeçarin, pas një konflikti për motive të dobëta, identifikohet autori i dyshuar dhe vijon krehja e zonës për kapjen e tij.

Më datë 17.09.2021, rreth orës 14:40, në fshatin Manati, Lezhë, pas një konflikti për motive të dobëta shtetasi Xh.V.,  dyshohet se ka plagosur me armë zjarri në këmbë shtetasin P.B(N)., 25 vjeç, i cili ndodhet në spital nën kujdesin e mjekëve, jashtë rrezikut për jetën.

Shërbimet e Policisë kanë rrethuar zonën dhe vijojnë punën për kapjen e tij.

Grupi hetimor nën Drejtimin e Prokurorisë së Rrethit Gjyqësor Lezhë, po vijon punën për zbardhjen e plotë të rrethanave të ngjarjes.