Për të dytin vit radhazi Superkupa e Italisë do të luhet në Arabinë Saudite dhe me formatin e ri me katër skuadra. Fituesi i kampionatit të fundit (Inter) do të takohet në gjysmëfinalen e parë me finalistin e Kupës së fundit të Italisë (Atalanta); ndërsa fituesi i Kupës (Juventus) do të përballet në të dytin me forcën e dytë të kampionatit të kaluar (Milanin). Fituesit do të garojnë për trofeun e parë të sezonit në finalen e madhe. Datat e dy ndeshjeve dihen që në verë. Siç kujton Corriere dello Sport, gjysmëfinalja e parë mes Interit dhe Atalantës do të luhet të enjten më 2 janar; ditën e nesërme, më 3 janar, është caktuar ndeshja mes Juventusit dhe Milanit. Ne ditën e 6 janarit (e hene) është caktuar finalja. Italia parakalon Spanjën: Superkupa e Spanjës në fakt do të luhet nje jave me vone se ajo italiane, përsëri në Arabinë Saudite. Protagonistët e kompeticionit janë Real Madrid dhe Mallorca nga njëra anë, Barcelona dhe Athletic Club de Bilbao nga ana tjetër.
Asgjësohen 2943 bimë narkotike në Shkodër
Operacioni policor i koduar “Koordinata” ka vijuar me kontrolle të shtuara në territorin e qarkut Shkodër, me qëllim goditjen e...
