Një tjetër mjek kahumbur betejën me Coronavirusin. Mjeku i njohur nga Berati, Josif Dena është mjeku më i fundit që humbin betejën.
Josif Dena, apo siç njihej nga të gjithë beratasit si Doktor Sifi, ishte i shtruar prej 2-javësh në Spitalin “Shefqet Ndroqi” dhe ditët e fundit ishte në intubim, për shkak të përkeqësimit të gjendjes së tij shëndetësore.
Mjeku që nuk e mposhti dot betejën me virusin vdekjeprurës u përcoll mesditën e sotme për në banesën e fundit në varrezat e Burdulliasit në qytetin e Beratit.
Ai lindi në 15 shkurt 1949 dhe pas përfundimit të Fakultetit të Mjekësisë ka punuar si endokrinolog në Spitalin Rajonal të Beratit,deri në daljen në pension disa muaj më parë.
Ai shërbeu 45-vjet në Spitalin Rajonal Berat dhe nuk i kurseu asnjëherë energjitë dhe përkushtimin për t’i shërbyer çdo të sëmuri.
Lajmi i trishtë i largimit të tij nga jeta tronditi jo vetëm familjarët, por edhe kolegët e miqtë, që nuk kanë kursyer mesazhet ngushëlluese në rrjetet sociale për familjen Dena.
“Doktor Sifii (Josif Dena) pas nje beteje me Covid. Një humbje e madhe për familjen dhe qytetin!Ngushëllime familjes! U prehtë në paqe!” shkruan një nga faqet e qytetit të Beratit në rrjetet sociale.
