Drejtori i Përgjithshëm i Organizatës botërore të Shëndetësisë, Tedros Adhanom Ghebreyesus, ka dhënë alarmin për shtimin e rasteve me koronavirus.
Kreu i OBSH-së, u shpreh se bota ndodhet në një moment kritik, për shkak se pritet që numrat e infektimeve të rriten në muajt e ardhshëm.
“Muajt e ardhshëm do të jenë shumë të vështirë dhe shumë vende janë në një rrugë të rrezikshme,” shtoi ai gjatë konferencës së zakonshme, duke shpjeguar se rritja e rasteve të regjistruara tashmë po çon ne “spitalet dhe njësitë e kujdesit intensiv pothuajse në kufij ose përtej kapacitetit të tyre, dhe ne jemi ende në tetor”, tha ai.
Kreu i OBSH i bëri thirrje liderëve botërore që të marrin masa për të parandaluar shtimin e numrit të viktimave, duke rritur numrin e testimeve dhe duke përmirësuar cilësinë e testit.
“Ne i nxisim udhëheqësit të ndërmarrin veprime të menjëhershme, për të parandaluar vdekjet e mëtejshme të panevojshme, shërbimet thelbësore shëndetësore dhe mbylljen e shkollave përsëri. Siç e thashë në shkurt, po e përsëris edhe sot: Kjo nuk është një lojë”, tha kreu i OBSH./GazetaReforma.com/
