Ministria e Shëndetësisë ka përditësuar qytetarët në lidhje me gjendjen e Covid-19 në vend. Në njoftimin zyrtar bëhet e ditur se në 24 orët e fundit nuk ka asnjë humbje jete, 20 qytetarë janë infektuar dhe 19 janë shëruar.
Njoftimi i Plotë i Ministrisë së Shëndetësisë:
COVID19/ Ministria e Shëndetësisë: 596 testime, 20 qytetarë të infektuar, nuk ka humbje jete dhe 19 të shëruar në 24 orët e fundit
21 Tetor 2022 – Ministria e Shëndetësisë i bën sërisht thirrje qytetarëve të mos neglizhojnë vaksinimin anticovid, veçanërisht në këtë periudhë të vjeshtës, për të kufizuar rrezikun e përhapjes së infeksionit.
Vaksinimi anticovid kryhet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 596 testime, nga të cilat kanë rezultuar pozitivë me COVID19, 20 qytetarë, në këto bashki:
6 në Tiranë, 4 në Fier, 3 në Skrapar, nga 2 qytetarë në Lezhë, Sarandë, nga 1 qytetarë në Shkodër, Vlorë, Gjirokastër.
Janë 244 qytetarë aktivë me Covid19 në të gjithë vendin.
Aktualisht në spitalin COVID3 po marrin trajtim 2 pacientë. Në 24 orët e fundit nuk ka asnjë humbje jete me SarsCov2.
Janë shëruar 19 qytetarë gjatë 24 orëve të fundit, duke e çuar numrin e të shëruarve në 327,757 që nga fillimi i epidemisë.
Statistika ( 21 Tetor 2022)
Raste të reja ditore 20
Të shëruar në 24 orë 19
Të shtruar në spitale 2
Humbje jete në 24 orë 0
Testime ditore 596
Testime totale 1,992,893
Raste pozitive 331,593
Raste të shëruara 327,757
Raste Aktive 244
Humbje jete 3,592
Shpërndarja gjeografike e rasteve aktive sipas qarqeve:
Tiranë 173
Fier 19
Vlorë 13
Berat 10
Gjirokastër 7
Shkodër 6
Elbasan 6
Durrës 5
Dibër 3
Lezhë 2
