Coronavirusi vijon përparimin e tij në pothuajse çdo shtet, ku numri i të prekurve po rritet dita-ditës dhe deri më tani raportohen mbi 2,770 të vdekur dhe rreth 81 mijë të prekur në rang botëror.
Në Itali është shënuar viktima e 12, teksa të infektuar janë regjistruar edhe në Francë, Kroaci, Austri dhe Greqi.
Së fundmi, në Shkup është konstatuar rasti i parë me COVID-19 dhe i prekuri është një shtetas i kthyer nga Italia, i cili ishte shtruar disa ditë më parë në Klinikën Infektive.
Ministri i Shëndetësisë Venko Filipçe ka bërë me dije lajmin në një konferencë të jashtëzakonshme, ku bëri thirrje për qetësi, ndërsa janë konstatuar dhe 2 raste të dyshuara me Coronavirus, por kanë rezultuar negativ.
Të hënën OBSH ngriti alarmin se jemi në prag të një pandemie, ndërsa së fundmi, mediat e huaja shkruajnë se një kompani farmaceutike nga Cambridge, Massachusetts, pretendon se është afër krijimit të vaksinës kundër Coronavirusit.
Kompania amerikane gati vaksinën kundër Coronavirusit, por nuk del në treg para vitit 2021
Fatmirësisht, në vendin tonë nuk raportohet për asnjë të prekur teksa së fundmi, Komitetit Teknik i Ekspertëve zhvilloi një mbledhje me fokus masat paraprake për parandalimin dhe përhapjen e Coronavirsuit.
Bëhet me dije se Ministria e Shëndetësisë dhe Mbrojtjes Sociale ka rialokuar një fond shtesë prej 1 milion dollarësh në buxhetin e spitaleve, që do përdoret për rritjen e stokut aktual të mjeteve të mbrojtjes personale.
Ministria e Shëndetësisë rialokon një fond prej 1 milion dollarësh për mbrojtjen nga Coronavirusi
