Italia vijon të jetë vendi më problematik në Europë sa i takon Coronavirusit dhe deri më tani janë regjistruar rreth 7 mijë të prekur dhe 336 viktima.
Mirëpo, masat e marra së fundmi në vendin fqinj kanë krijuar trazira dhe probleme.
Konkretisht, ndër të tjera qeveria ndaloi edhe takimin e të burgosurve me familjarët e tyre, pikërisht për të shmangur infektimin nga COVID-19.
Mirëpo, kjo masë nuk është pritur aspak mirë nga të burgosurit në 27 burgje të Italisë veriore, të cilët janë përleshur me policinë, duke u munduar të arratisen.
https://www.facebook.com/100003286590229/videos/2842891115830414/
Në videot e publikuara nga media të ndryshe shihet se përleshja ka qenë e ashpër dhe disa prej tyre ia kanë dalë të kalojnë muret rrethuese të burgjeve dhe të arratisen.
Si pasojë e përplasjes bëhet me dije se 6 të burgosur kanë humbur jetën, teksa sipas informacioneve paraprake thuhet se 50 të tjerë janë larguar.
Në rang global janë shënuar 3,892 viktima dhe janë prekur 111, 356 persona të tjerë, teksa në vendin tonë janë shënuar 2 rastet e para.
Ndërkohë, është ndërprerë mësimi në të gjitha institucionet arsimore për 2 javë, si edhe janë pezulluar të gjitha aktivitetet e tjera publike deri në 3 prill.
Ekspertët bëjnë thirrje që personat që kanë simptoma të ngjashme me ato të Koronavirusit, të telefonojnë nurmin 127 dhe të mos shfaqen në qendrat mjekësore.
