Ditën e djeshme Bordi i Transparencë vendosi çmimin më të lartë të naftës që prej krijimit të tij, ku një litër do të shitet për 248 lekë deri në mbledhjen e ardhshme.
Pavarësisht rritjes në bursë, çmimi i inaftës duhet të ishte shumë më herë më i ulët se sa ai që është vendosur. Ndërkohë që ky fakt i ka bërë përshtypje edhe ish-zëvendëskryeministrit Erion Braçe i cili shprehet se në bursë çmimi i naftës ka pësuar ulje, por në vendin tonë kjo nuk është reflektuar.
Përmes këtij reagimi, Braçe ngre pikëpyetje se përse në vendin tonë nuk lëvizet çmimi i naftës në varësi të lëvizjes në bursë, sa kohë pretendohet që respektohet ky raport.
Theksojmë se “Gazeta Reforma” vazhdimisht ka bërë krahasimin midis çmimit të naftës në bursë dhe atij që është vendosur herë pas herë nga Bordi i Transparencës në vendin tonë. Kemi konstatuar me anë të vlerave krahasuese, se çmimi i vendosur nga Bordi i Transparencs nuk e ka reflektuar çmimin me të cilin nafta shitet në bursë.
Gjithashtu përtej kësaj, një element tjetër që ne kemi konsideruar si faktor influncues tek çmimi i hidrokarbureve, janë edhe protestat civile kundër rritjes së çmimeve. Në momentin që ka pasur protesta, jo rastësisht, çmimi i vendosur nga Bordi ka qenë në tendecë rënie, ndërkohë që kur shoqëria civile bën “pauzë” nga rebelimi kundër abuzimeve, çmimet rriten
Postimi i plotë i Erion Braçes:
NAFTA TANI;
NGA 120 DOLLE/FUCI ME 31 MAJ,
NE 112-113 DOLLARE/FUCI TANI.
Meqe po shisni me 248 leke/liter,
jo per gje tjeter!
Se ju shisni sipas burses apo jo, jo sipas rezervave te rafinerive e sipas rezervave tuaja kur blini nga rafinerite!
APO JO?
