Dy shpërthime të fuqishme kanë tronditur qytetin e Elbasanit mbrëmjen e sotme. Ngjarja ka ndodhur në ambientet e ish-Metalurgjikut rreth orëës 20:00 dhe sipas banorëve të zonës, shëprthimet kanë qenë të njëpasnjëshme dhe kanë nodhur brenda tri minutave. Fatmirësisht nga shpërthimi nuk ka pasur persona të lënduar.
Mësohets e ngjarja ka ndodhur në ambientet e kompanisë turke Kurum, në repartin e skrapit ku ndodhen furrat e shrirjes . Punëtorët që ishin duke punuar në repart nuk kanë pësuar lëndime për shkak se ishin duke punujar me veshjet speciale. Shpërthimet kanë qenë aq të fuqishme sa jnë ndjerë në të gjithë qytetin e Elbasanti dhe kanë përhapur panik te qytetarët të cilët kanë dalë jashtë banesave të frikësuar.
Gjithastu bëhet me dije se nga shpërthimi janë shkaktuar dëme të shumta materiale dhe gjithashtu janë thyer xhamat në disa godina ngjitur, ndërsa ende nuk janë bërë të njohura arsyet që çuan në këtë shpërthim të fuqishëm.
Në ambinetet e jashtme të ish-uzinës së Metalurgjikut janë parë prani të shtuara të forcave të policsë, ndërsa policia nuk ka dalë ende me një reagim zyrtar për të shpjeguar shkaqet që kanë çuar në shpërthimin.
Në këtë zonë kanë ndodhur shpërthime të tilla edhe më herët dhe në disa raste kanë pasur pasoja, ndërkohë po punohet për të verifikuar nëse ngjarja ka ardhur si pasojë e problemeve teknike apo mungesës së kushteve të punës.
