Në muajin e 11 të pandemisë shifra e të infektuarve ka arritur mbi 109 milionë, ndërsa 2,419,172 njerëz kanë ndërruar jetë. Deri më tani vendet më të prekura janë ato të Europës, ndërsa Kina, e cila njihet dhe si origjina e virusit, ka arritur ta mbajë nën kontroll.
Vendi me numrin më të lartë të infektimeve jane Shtetet e bashkuara të Amerikës. Gatë orëve të fundit janë shënuar mbi 85,238 persona, duke e çuar shifrën ne total 28,317,703 milionë. Ndërkohë që kanë ndërruar jetë mbi 1,500 pacientë dhe shifra në total është 498,203 pacientë.
Në Evropë gjendja paraqitet problematike, ku disa vende ende janë në izolim dhe disa të tjera kanë shtyrë masat parandaluese.
Franca renditet e gjashta, për sa i përket numrit të lartë të infektime. Gjithashtu, numri i pacientëve në spital me Covdid-19 në Francë është në nivelin më të lartë që nga nëntori.
Gjatë orëve të fundit kanë rezultuar pozitiv 53,080 njerëz, duke e çuar numrin në total 3,469,539 persona, ndërkohë që kanë ndërruar jetë mbi 1,258 persona dhe numri në total është 82,226.
Në Gjermani numri i rasteve të konfirmuara pozitiv gjatë orëve të fundit është mbi 27,955 njerëz, duke e çuar shifrën në total 2,346,876 mijë persona. Ndërkohë që kanë ndërruar jetën mbi 786 njerëz dhe numri në total është 65,949.
Sa i përket vendit tonë, shifrat e infektimeve po arrijnë rekordet, në mbi 1000 të prekur përditë, situatë e rënduar dhe nga prania e mutacioneve të reja. Ndërsa ne dhe shumë vende të Europës po rrezikojmë mbylljen, e kundërta ndodh në Kinë.
Ndërkohë që të gjitha vendet shënojnë mijëra të oprekur, Kina raportoi 16 raste të reja të koronavirusit në kontinent për 15 shkurt, krahasuar me nëntë një ditë më parë, tha të martën komisioni shëndetësor.
Të gjitha rastet ishin infeksione të importuara me origjinë jashtë shtetit dhe nuk kishte asnjë vdekje të re apo raportuar raste të reja të dyshuara, tha Komisioni Kombëtar i Shëndetësisë në një deklaratë.
