Ditën e sotme kreu i partisë së Lirirsë Ilir Meta ka folur në lidhje me marrëveshjen e Shqipërisë dhe Greqisë për Detin Jon. Meta ka akuzuar kryeministrin Edi Rama se ka luajtur me interesin kombëtar dhe sovranitetin e Sqhipërisë, kur u pyet sot nga gazetarët lidhur me akuzat që bëri ndaj numrit një të qeverisë se “ka bërë pazar me kompani për shpimet për naftë në detin Jon”. Ai e cilësoi fajin si vetëm të Ramës dhe jo të Greqisë, për të cilin u shpreh se do të shkoje në fund të detit për këtë arsye.
FJALA E METËS:
Për këtë çështje kam kaq shumë fakte, prova të dëmeve të jashtëzakonshme që Edi Rama i ka shkaktuar interesave sovrane, shtetërore, politike të Shqipërisë, por kjo nuk është çështje që mund të më shfokusojë nga denoncimi i çështjeve të tjera.
Kjo është kryeaferë shume e rëndë. Ju lutem të mos bini në lojën e Edi Ramës për të nxitur interesa antigreke në këtë çështje, sepse Greqia ka qenë dhe është në interesin e saj për të gjetur një zgjidhje për të shfrytëzuar hapësirat e saj detare dhe pasuritë e mundshme. Problemin në këtë çështje s’e kemi nga Greqia, por nga Edi Rama. Dhe do japi llogari
Kjo aferë do e marri në fund të detit, pa asnjë diskutim. I kam çuar një letër Kuvendit para se të lija detyrën e presidentit. U kam çuar vetëm një pjesë të dokumentimit të shqetësimeve serioze për këtë çështje që vijnë prej lojërave të këtij të papërgjegjshmi, aventurier, i marr peng nga çdo lloj interesash. I kam bërë të qartë Parlamentit që çdo moment jam i gatshëm si President që kam qenë, të shkoj atje sa herë që kanë ndonjë paqartësi dhe të kontribuojmë të gjithë për zgjidhjen më të mirë në interesin e Shqipërisë. Sepse dëmtimi i pozitës së vendit në mënyrë të qëllimshme nga ky individ është shumë i rëndë dhe i dokumentuar, por nuk dua të flas në Kuvend më shumë për këtë çështje.
