Presidenti Ilir Meta ka kthyer në Kuvend për rishqyrtim në tjetër ligj.
Bëhet fjalë për “Koorporatën e Investimeve”, një ligj ky i kritikuar jo vetëm nga opozita por edhe nga FMN.
Sipas Kreut të Shtetit, ky ligj cënon parimet kushtetuese.
Në argumentat e presidentit, thuhet se ky ligj nuk ka qenë pjesë e projektakteve të Ministrisë së Financave, si dhe nuk synon përafrimin me ndonjë dispozitë europiane.
Gjithashtu sipas Metës, ligji nuk ka kaluar për shqyrtim në Komisionin e Çështjeve Ligjore, Administratën Publike dhe të Drejtat e Njeriut.
Ndër të tjera presidenti shton se ligji, cënon të drejtën themelore të pronës, parimin e sigurisë juridike dhe bie në kundërshtim me sistemin ligjor aktual, mbi të cilin zhvillohet shoqëria shqiptare.
